【同宅同煲】當張建聲磨練成萬梓良

【同宅同煲】當張建聲磨練成萬梓良

蕭若元講過香港電影業已死,又在悼念廖啟智的短片中提到,男演員需要十年磨練才能成形,以現今影視圈環境,難再孕育另一個智叔。不過,有才華的演員,就像野草一樣會在夾縫中生長,近日發覺入行十年的張建聲,就漸漸有老戲骨的功力。

在ViuTV的新劇《無限斜棟有限公司》中,張建聲客串做一個愛玩弄下屬的差佬高層,演繹方法甚為有趣,夠放夠癲,有當年萬梓良的影子。劇中張建聲鬧人不用講粗口,但說話可以好難聽,表情不用歇斯底里,但都可以惡死恐怖。其中有些串人對白,更是絕核抵死,例如有下屬辭職,放低支槍同證件,他就笑笑口說:「拍戲呀𠵱家?辭職打信丫嘛?」乞人憎之餘,令人忍俊不禁。

張建聲首次演出作品是2010年電影《囡囡》,兩年後主演《一路向西》做嫖客令人印象深刻,但真正成為演技派,是2015年於《壹獄壹世界》增肥做獄中惡霸,之後像開竅越演越好,2017年於網劇《反黑》演招積開始受推崇,上年《打天下》做奸詐空手道道場接班人,到《向西聞記》做偷食男,甚至在《性敢中環》扮萬梓良,都越做越有架勢。

近日ViuTV因為MIRROR逐漸成形,以選秀節目成功,不過拍劇仍有待改進,不少故事創新是創新,但略嫌幼嫩,有如學生習作,上次《太平紋身店》設定上環有三不管地帶就令人難以投入。今次《無限斜棟有限公司》以陳卓賢、黃定謙和盧慧敏擔正,講由三個少年組成偵探社遇到的人和事,亦有玩煮飯仔感覺,好彩找來不少重量級演員做配角,除張建聲外,又有葛民輝、太保,葉童及黃光亮等。葛民輝做回拿手的賴皮中產,話自己買樓後昏迷,因為乜都唔做,反而升了幾倍而發達,已經夠晒貼地好玩。

講開先講,無綫雖然在收視及製作方面仍強勢,不過前途悲哀。日前無綫播出首個改革節目《開心大綜藝》就比起對撼的《口罩小姐》娛樂性高,起碼陸永扮圓教授比保錡自戀地以解凍玩足成晚好笑,可惜的是,大家很難忘記無綫的背景,笑完之後只會感到不安。這已經不是一個內地老闆出來指手畫腳,簡單幾句老化落後可以解決。批鬥容易,做實事難。香港人加油。

撰文:翁可人

本欄逢周五刊出

【同宅同煲】

酷愛煲劇睇戲,冷門熱門乜都殺,小說《師戀高校》及《87年12歲條女失咗蹤》作者。