曾主持香港開電視節目《美少女日本民宿》的羅堃尉（Karen），平日愛在Ig分享泳照及性感相。前日她在Ig story上載多張全身傷的相片，受傷範圍由膊頭、手踭、手指、腰部到膝蓋，差點以為是家暴。原來穿上露肩裝的Karen開行turbo追巴士，不小心跌倒，傷勢嚴重。
現年29歲的Karen在Ig story問：「有冇人可以話我知，我喺街仆咗個大街，之後可以點做？去邊有得消毒？」接着她在巴士車廂內自拍傷勢，不久便表示傷口已消毒，感謝車站的職員幫手，還在洗手間拍下全身貼滿膠布的短片，還拉底裙頭展示腰間傷勢，她表示洗傷口時痛到邊喊邊叫。三小時後Karen表示：「我沒事，皮外傷，側身飛鏟落地，磨吓薑咁啫，仲去到練車，希望唔會有疤痕，歡迎sponsor任何去疤產品。」