祖雲達斯今季成績大跌，來季有冇得踢歐聯都成問題，據意媒報道隊中王牌基斯坦奴朗拿度（C朗、圖））因此要求離隊，仲話其實C朗同祖記嘅關係，喺歐聯16強俾波圖踢出局後迅速惡化，嚟緊好大機會返老東家皇家馬德里或者曼聯。但亦有指祖記根本唔想留C朗，話前教練艾基利同祖記主席阿涅利講過，留低C朗只會令球隊無法成長，建議盡快賣走佢喎。