趣趣地：摩佬快落鑊　傳紐奴接班

熱刺今季戰績麻麻地，多次喺領先之下失分，領隊摩連奴（左二）嘅保守戰術經常受到外界抨擊，更未能取悅熱刺球迷。外媒話熱刺今季拎唔到前四，就會考慮請狼隊領隊紐奴嚟接替摩佬。仲話熱刺班主利維好賞識紐奴嘅領軍才能，就算狼隊今季戰績下滑，紐奴嘅領軍聲譽仍然好高，不過佢合約中嘅解約金都唔平，到底熱刺會唔會使咁多錢換帥就真係難講。