唔少南美國家立場親中，其中巴西就成為中國製科興疫苗試驗地點，雖然呢款疫苗功效同安全問題令人擔心，不過南美足協禮拜二就好開心宣佈，收到科興送贈嘅50,000劑疫苗，畀出戰今夏美洲盃嘅球員接種。咦？咁即係美斯、尼馬、蘇亞雷斯呢班南美球星，今夏都要打科興喎！不過阿根廷球王美斯似乎就好高興咁接受，仲捐番幾件簽名波衫（圖）作為回禮㖭。