手機用戶請按此放大圖表
廣播處長李百全上任之後係咁抽港台節目，最新重災區係一向有口碑，仲要成日拎獎嘅《鏗鏘集》，係咁踩個節目唔平衡，但根據港台提交立法會財委會嘅最新文件，港台YouTube頻道嘅《鏗鏘集》係頻道入面觀看次數最多嘅節目，好明顯廣受市民歡迎，亦狠狠打咗仲係用市民公帑出糧嘅李百全一巴。
根據港台提交文件，《鏗鏘集》係港台YouTube頻道，由2016年累計達7,856萬次，單是去年3月至今年2月，一年間觀看次數已達3,700多萬；隨後係去年中起停播嘅《頭條新聞》，觀看次數2,591萬；排第三係《視點31》，觀看次數2,426萬。
除咗鏗鏘集深受歡迎，《鏗鏘說》都好受市民支持，翻查新一輯《鏗鏘說》YouTube觀看次數，直至噚日蘇玉華訪問杜琪峯嗰集，有98萬人次觀看，蘇玉華訪問曹星如一集更高達107 萬次觀看，不過由新處長欽點嘅嶺大學者劉智鵬訪問食家梁文韜，就只有約5.9萬次，李百全究竟想改善港台，定想執咗港台？睇佢殺晒港台王牌節目，叫人拍冇人睇嘅節目，怕且都唔難估佢想點。
李八方