《全民造星III》最後十強李炘頤（Alina，前名李靜蓮）已簽約ViuTV旗下，在日前台慶五周年活動上獲安排上台獻舞演出，擺明受力捧，她接受訪問時說：「我一直好想演戲，拍劇或拍電影都好，又想做主持，因自己講嘢唔叻，希望改善同練吓轉數快啲。以前唔想做呢啲，但𠵱家乜都想試吓。」最恨演甚麼角色？Alina即說：「好恨做打女，我視楊紫瓊係目標，希望成為第二個佢。」
Alina加入ViuTV後隨時有機會跟男友、MIRROR成員邱士縉（Stanley）合作，但她先旨聲明不想做「螢幕情侶」：「現實已經係情侶，拍戲又做好悶，不如做敵人。」兩人今年剛好拍拖十周年，但Alina坦言暫擱置結婚計劃，因大家也想為事業衝線，但會考慮同居。