反修例運動爆發後，一直為反送中運動嘅在囚者、還柙者、被告、被捕者同埋傷者提供人道支援嘅612人道支援基金，自從改變籌款政策，盡量減少保存現金後，基本上每個嘅開支係月月清，612人道支援基金最新披露，佢哋可動用結餘不足以應付4月份開支，冀市民捐款支持。
基金喺facebook發帖話，早前曾經呼籲市民登記網上月捐或定期捐款，同埋留意基金公佈可動用結餘，令基金戶口唔使累積龐大儲備，感謝市民留意同配合，而截至上個月31日，基金可動用結餘為143萬，不足以應付4月份達1,500萬嘅預算開支，強調需要大家捐款支持。
據基金公佈的最新財政狀況，由2019年6月成立至今，基金接收捐款共約2.1億，直接為申請人提供人道支援總額約為1.9億，批出嘅項目資助則有1,024萬，直接支援21,906人次，包括提供法律費用、借出保釋金、還柙在囚物資、緊急經濟援助、醫療及情緒支援費用等。若以3月份計，基金籌得捐款總數為641萬，批出款項高達1,163萬，所以真係好需要大家支持㗎。
李八方