【本報訊】全港有六間分店的連鎖健身中心Goji Studios進行清盤程序，逾四分三即約300多名員工即炒，估計欠薪及遣散費等約千萬元。日前Goji指獲白武士注資，派出代表與員工開會，但有員工昨爆出開會錄音，質疑清盤早有預謀。
從開會錄音得知，一名公司男代表宣佈因社運及疫情，股東虧蝕數億，故決定清盤及遣散員工，新公司接管後，或聘用部份舊同事，但名單由新公司決定。在Goji任職逾兩年的Yoyo（化名）認為炒人早有預謀，被炒員工都是「最做得生意」，只有「有人事關係」的員工才能過檔新公司，「10號晚去開會，直接炒人，但炒晒啲最有能力、最爆數嘅教練同Sales，非常唔合理。」
Yoyo稱會上同事被安排分房開會，「我嗰間房就係炒人嘅」，另一間房的同事則獲準備新合約過檔。她質疑「清盤應該係全炒，佢炒啲唔炒啲，當晚只有一個高層落嚟開會，落到嚟話蝕錢，要炒人，到我哋問炒人準則係咩，嗰個所謂高層就話係公司指示。」
另外，Goji管理層昨早向全體員工發信，感激員工一直為公司傾力付出，特設電郵專門跟進僱傭合約等問題。