梁嘉茵（Serrini）前晚舉行一連三場的演唱會尾場，由周國賢擔任嘉賓，當他現身舞台，全場激動尖叫。周國賢首先自彈自唱《Children Song》，其後Serrini換上公主造型長裙出場，與他合唱《是你呀》。之後Serrini直言：「我覺得冇人估到係你囉！不過我想問點解會唱呢首？點解唔唱《蘇菲亞的波霸珍珠奶茶》？」引來全場大笑。
周國賢表示綵排前從未見過Serrini，這次合作是緣份的安排：「我都休息一段日子，呢段時間都有好多朋友搵我，但係好多合作最後都傾唔成，今次高佬（黃曉暉）再打畀我，我覺得好似個天都想我出嚟唱返歌。」周國賢指一直有留意Serrini的作品，打從心底欣賞對方。