韓國男神宋仲基孖女星全汝彬、2PM成員澤演等主演的tvN劇集《黑道律師文森佐》（Vincenzo）前晚播出第15集，宋仲基於劇中扮成嬌俏巫師，可惜收視仍跌至10.296%。劇情講到宋仲基被槍指嚇時，因一群鴿子亂飛而令他成功脫險，不過就遭檢察官背叛，令澤演避過被調查。同時宋仲基亦掌握了高官的各種腐敗行為，決定公開文件作報復，他扮成巫師，令大昌日報的社長以為自己即將迎來噩運，最終令大昌日報報道了巴別集團的真實情況，令股價大跌。宋仲基亦掉進澤演的陷阱，被屈是殺人嫌疑犯而被拘捕。於昨晚播出的新一集中，就見到澤演打算炸毀錦加大廈，同時計劃傷害宋仲基母親。
另外，女神全智賢正忙於拍攝新劇《智異山》，曾經跟她同公司的宋仲基日前就特地送餐車到拍攝現場為全智賢及劇組打氣，有網民表示期待二人日後可以合作，相信會非常有睇頭。
