現年26歲的關嘉敏（Carman）去年參加ViuTV真人騷《全民造星III》為人認識，惟近日她被發現出現在無綫介紹女藝人的網頁上，Carman昨日回覆《蘋果》時說：「加入TVB係公司（天盟娛樂）安排，因為我本身係簽咗公司藝人約。好開心得到樂小姐賞識，我聽返同事講，佢哋咁啱撞到樂小姐，樂小姐話好欣賞我，於是就有咗呢次合約安排。都好開心，希望遲啲有機會親自多謝樂小姐。」
Carman表示喜歡演戲，加入無綫後希望有拍劇機會：「我自己都有上好多戲劇堂，想喺演員呢方面發展。」本身擅長唱歌跳舞的Carman表示，不想為演戲輕易放棄本業：「希望可以兩邊兼顧，我喺女團出身跳唱咗咁多年，希望兩邊可以一齊做。」