唐貝詩、陳逸寧及李亦喬（原名李美琪，亦即牛雜妹）和陳達仁昨日在荃灣為電影《毛俠2》舉行發佈會，唐貝詩透露在片中飾演道友，現時只有108磅的她，被監製要求減到至100磅以下，她說：「監製話唔要我健康瘦，要我瘦到冇肌肉，佢𠵱家仲係籌備緊套戲，所以我唔減住，等佢定咗日子，一、兩個月前先開始減。」唐貝詩又指角色最後要淪落到瞓街，監製亦要求她一星期不可洗頭，她笑言：「咁樣做都會幫助到自己投入角色。」她指上一次演出已是今年1月的舞台劇《戀上十二星座》，但當時因疫情影響，最後只能改在網上直播，所以現在有戲做，已經好開心，好滿足！
另外，陳逸寧最近忙於宣傳電影《二次人生》，亦要照顧兒子，她狂呻：「仲忙過返學，日日要做功課，正常返學會派worksheet，𠵱家要我自己畫，總之做功課係佔我最多時間。」