中國女足（圖）周一飛南韓，準備應付對南韓女足嘅東奧外圍賽附加賽首回合。據報兩地足總之前已約定，球員只需提供核酸檢測陰性報告，入境時再接受檢測，呈陰性即可去酒店。疫情期間，兩地足總都會為對方安排特別通道，仲有專人接待，但係中國隊周一抵達仁川機場後，冇獲安排入境特別通道，南韓足總亦冇人接待，球員至少經過六個檢查站，成兩個半鐘先上到隊巴。