美斯周一喺巴塞隆拿對華拉度列賽前獲贈紀念球衣，向佢早前打破隊史出場紀錄，第768場代表球會致敬，安東莉娜仲帶埋三個仔到場見證（圖）。3位巴塞隊長布斯基斯、碧基同沙治羅拔圖，將件有全部隊友簽名嘅03/04球季、美斯1隊「地標」當季嘅波衫送畀美斯。巴塞今場打多個下憑奧士文尼迪比利完場前絕殺以1:0險勝華拉度列，目前落後榜首馬德里體育會僅一分。