曼聯借將連格喺周一英超狂奔半場入靚波後（左），再參與另外兩個入波，包括喺1打5之下助攻查洛保雲，帶領韋斯咸作客3:2力克狼隊，升上聯賽榜第四位，曼聯名宿加利尼維利指連格表現出色有望回歸奧脫福。連格自2月「地標」以嚟，射入6球同助攻3次。另外，韋斯咸中場迪格蘭賴斯膝蓋受傷要休息3至6星期，恐怕會缺席今夏歐國盃。
