楊洛婷今年2月在社交網宣佈陀第二胎，她更分享與樂隊Dear Jane主音老公Tim及三歲多長女Tanya都十分期待BB出世。現正懷孕約六個多月的楊洛婷日前挺着巨肚，跟同樣大肚的導師Olmen學做瑜伽。導師Olmen一邊示範動作，一邊講解，有運動底子的楊洛婷輕鬆完成沒難度。Olmen預產期比楊洛婷早一個月，由於長期做瑜伽，身形及手腳皆保持纖瘦，未有水腫，楊洛婷表示非常羨慕。
楊洛婷指孕婦做瑜伽好處多，她每周在家會與Tim一齊做瑜伽，老公亦為她拉筋紓緩，她說：「陀第一胎時我只係會散步，唔識做咁多嘢，我想順產，今胎陀順咗就立即搵導師教我做大肚瑜伽。」第二胎還未生，楊洛婷竟預告想再生：「我可以唔『封肚』㗎，我好鍾意小朋友，生幾多個都冇所謂。我自己有個細佬，老公有個妹，我哋大家都好close，有兄弟姊妹好，大家將來仲可以有商有量照顧父母。」
