近日復出的何嘉莉和師弟洪卓立一齊到ViuTV錄影《Chill Club》音樂節目。洪卓立透露月底會到內地工作，不過最難處理是他和舊愛湯怡共同撫養的犬隻問題，兩人共識下會將小狗暫由湯怡照顧，不過提到對方現正陀B，洪卓立說：「同佢傾咗OK，知道佢陀B，但我身邊好朋友又唔喺香港，唔放心畀其他人，佢話搞唔掂就會畀老公搞，其實我都好驚大肚婆整親，怕意外。」洪卓立指兩人關係一直很好。
何嘉莉全面復出重踏幕前，老公Gerald Sze亦支持她工作，她說：「佢仲忙過我，飛行方面唔係太多需求，做緊一啲私人事業搞生意，樣樣試吓。」又指並不介意離港工作，不過要身兼家庭及事業感到十疲累。