擁35E驕人身材的「寒流女」Annabelle，昨日和「Ben Sir」歐陽偉豪及黃夏蕙，在銅鑼灣為香港特色品牌擔任一日店長。昨日是Annabelle首次出席活動，吸引不少男fans到場，她表示不擔心被人觸碰其身材，笑言已習慣避開。
曾與品牌合作推出「抵你老母威」T恤的Ben Sir，透露稍後可能再推出其他款式：「都係環繞嗰幾個字，五個字塞晒喺門字入面，逼到爆，嗰個係X級。」他笑言大過身旁的Annabelle。他續說：「如果出到，即係香港社會有自由。」問到會否擔心觸犯國安法？Ben Sir表示：「唔驚，𠵱家反而清晰咗，知道邊啲踩得邊啲唔踩得！」