27歲的余香凝（Jennifer）去年嫁給有米丈夫陸政渡（Tim），現正懷孕的她一直未有透露腹中孩子性別。BB快將出世，昨日她在社交網公佈陀的是B女，還扮呷醋指老公以後有前世情人陪伴，打情罵俏好幸福。她留言：「好多人都好叻呀！估到係女仔，原來女仔嘅肚真係會特別圓，老公以後有今世情人同前世情人一齊愛錫你，你就幸福啦！人哋話生女多數都會黐住爸爸，希望到時都會黐吓我啦！」
Jennifer上載了兩張大肚相，穿白色高衩裙的她，大腿線條仍然纖瘦，另一張則是Tim親吻她額頭的甜蜜合照。網民紛紛送上祝福，剛為人父的岑珈其留言「開心」，Jennifer回覆：「一齊玩一齊大。」