康子妮轉行保險後，覺得生活有了重心，因為工作時間自由，除了保險業務，她還可以繼續做KOL、音樂，早前還幫ViuTV拍實況節目，她形容：「揀呢行係perfect，搵到安全感（錢），又可以做自己喜歡嘅嘢，自己安排時間。」
康子妮說入行前，曾介紹朋友幫Garry買年金，朋友當時力勸她做保險經紀，讚她人緣好，當時她也心動，但決定入行前仍要突破心理關口：「首先我好耐冇讀書、考試，呢樣可以將勤補拙，但最擔心係藝人身份點做，後來諗通咗，我對客同朋友都一樣，其實身份冇衝突，好似如果有朋友半夜打畀我話要入醫院，我都會車佢去。」前夫阿Lo更成為她的首位客人，大仔就是第一個claim保險客，她苦笑說：「我個仔俾狗咬，做咗唔係耐，就要學填claim form，一星期就有錢。」