衛詩雅和陳家樂合演電影《不日成婚》，片中女方被閨密慫恿，向男友逼婚，但男方因朋友的婚姻問題而令他卻步。日前兩人在尖沙嘴接受《蘋果》專訪，衛詩雅坦言目前不想結婚，因覺責任很大， 她謂：「要搵一個一世嘅人，我覺得好難。」強調現時沒拍拖的她又認為單身不錯：「可能我經常見到一啲人成日嗌交，覺得好攰，如果同一個人係唔開心，好多欺騙好多拗撬，咁我寧願自己一個。」反而陳家樂踏入30歲已期待有美滿的婚姻，更希望「有仔趁嫩生」。
當年陳家樂與余香凝相戀，他曾視對方為結婚對象，可惜分手收場，陳家樂坦言結婚只是個人想法，他說：「只係我覺得都一個長時間喇，應該就會咁樣（結婚），可能係我忽略去了解女仔嘅諗法。畢竟隔咗幾年，我知道錯咗啲乜嘢，𠵱家嘅我唔會再認為咁樣就咁樣。」
