法國凡爾賽法院宣佈，皇家馬德里前鋒賓施馬（10號）涉嫌以性愛錄影片段，勒索前法國國家隊隊友華布拿（8號）嘅案件，將會喺今年10月20至22日審理。一直強調自己無辜嘅賓施馬，事後透過社交媒體表示：「鬧劇終於可以永久結束」。華布拿喺2015年俾人用自己同太太嘅性愛錄像，勒索15萬歐元（約134萬港元），賓施馬被指曾以「中間人」嘅角色勸籲佢畀錢了事。事件曝光後，賓施馬被指有份參與勒索，法國檢察官就喺今年1月證實，呢位皇馬射手以及同案另外幾名被告，將要出庭應訊，一旦罪名成立，最高刑罰可被判監禁5年同埋罰款75,000歐元。自從被捲入呢單風波後，賓施馬就冇再入選過法國國家隊。