16歲的EY在2017特別開fanpage，由轉載文章，發展到找到興趣寫電影分析，又開設Ig戶口凝聚「後榮迷」，上月29日至本月11日更舉辦《風繼續吹》張國榮十八周年紀念展，她說：「唔係內心鍾意就算，佢已經唔喺度唔會有新作品，要發掘深度，先可以令更多人對哥哥有興趣，傳承佢嘅精神價值。」整個展覽由她獨力籌備，她更找了五位插畫師，重新畫不同角度的張國榮。
張國榮的說話深深印在EY腦海，令她由谷底走回光明：「佢最後一次公開演唱《我》，之後同好多fans講：『人最緊要係懂得愛人，也要欣賞自己』，呢樣好啟發到我，喺佢咁辛苦嘅時候，當日傳聞佢身體狀態都唔係咁好，但仲想傳達一啲訊息畀fans，作為比佢更渺小嘅人，我都應該要加油。」