許廷鏗早前突然跟唱片公司華納約滿，昨日他以自由身在跑馬地出席代言食店活動，今次是完約後首次自己接洽的工作。他承認目前有不同唱片公司主動提出協助及斟洽合作，坦言不排除再簽唱片公司，更承認其中招手對象有舊公司星夢唱片，他說：「我同所有合作過嘅公司保持良好關係，唔排除以唔同形式合作。」有指因私下接工作而激怒華納，他否認：「冇大家想像嘅咁juicy咁多古仔，大家冇不和。」跟兩間舊唱片公司同樣傳出不歡而散，他不擔心因此影響形象。
許廷鏗一直有製作團隊合作，是否覺得羽翼長成可自立？他說：「都可以話係，𠵱家嘅可能性會更大，同華納合作係令我信心更大。」有指他將到台灣發展，他指兩年前已考慮過，但因疫情推遲，至於其他計劃，他表示容後公佈。