薛家燕主持了四年的無綫節目《流行經典50年》前晚錄影最後一集，適逢是家燕姐71歲生日，新任副總經理曾志偉更現身獻花為她慶祝。家燕姐驚喜說︰「多謝志偉之前話要隆重呢個節目，今集延長至個半鐘，好多嘉賓上嚟敍舊，有胡楓（修哥）、湯寶如同馬德鐘，最難得曾生忙到飛起都抽時間嚟祝賀！」談到節目尾聲，燕姐說︰「當然唔捨得！不過志偉話會盡快年尾開返。」今年她的生日願望是一家平安、兒孫滿堂、疫情過去。談到抱孫，家燕姐說修哥給她孕婦食譜，教她煲湯給新抱飲，令生B更順利。
楊思琦在2014年離開無綫，前晚返娘家做嘉賓，與八年前一齊參與《星夢傳奇》的鄭俊弘合唱，她說︰「對上一次返嚟已經係一、兩年前，好開心見返舊同事。」當年她參加《星夢》時因走音被叮走，雖然如此，她指對唱歌熱情未減，更不避忌提到年初為香港開電視劇集《夏空》唱主題曲。