MIRROR日前宣佈5月開騷，三場門票瞬即被秒殺，加開兩場仍氣勢如虹。成員陳卓賢（Ian）前日推出個人甜蜜冧歌《DWBF》，意即「Don’t Wanna Be Friends」，Ian透露：「故事係講一個男仔唔想再同對方做朋友，希望超越友誼，終於踏出一步。」
日前Ian為新歌拍攝MV，團隊特地搭建一個復古六角形房間，並以360度拍攝。Ian指被一場彈琴戲考起：「導演想我喺房即時彈琴，於是我就即刻聽咗首歌，臨時彈出嚟，都幾大壓力。」新歌Ian首度與T-Ma和馮允謙合作，Ian雖然今次未有填詞，卻提供了不少想法，他說：「同作詞人鄭敏傾咗好耐，我好鍾意方大同，所以將《愛愛愛》、《歌手與模特兒》放入歌詞，當係一個密碼。」