田蕊妮和甄詠蓓（Olivia）即將合作舞台劇《聖荷西謀殺案》，今次是此劇第四度公演，之前三次由劉雅麗主演，鄭秀文則演過電影版，但阿田沒擔心過外界比較：「唔同演員演同一個角色一定有唔同，我有信心呈現一個唔同嘅阿Ling（劇中角色）出嚟。我相信Olivia搵我演，佢一定覺得我適合，我亦好相信莊梅岩嘅選擇，我絕對唔擔心。」
甄詠蓓認為要有人生閱歷才能演活阿Ling這角色，阿田正是她的不二之選︰「佢係果斷又勇敢嘅人，莊梅岩就覺得阿田好靚。佢連阿澤都控制到，冇人控制唔到！」阿田坦言很珍惜今次演出機會，更視為「最後的演出」︰「我好鍾意演戲，唔會放棄，但𠵱家好多嘢話唔埋，唔知下一刻會發生乜嘢事，所以我將每樣嘢當最後嚟做。」