效力曼聯嘅烏拉圭前鋒卡雲尼，盛傳今夏有意離開紅魔返南美「搵食」，繼佢老竇早前話佢唔開心後，就連烏拉圭國家隊助教列保羅，亦公開呼籲卡雲尼返南美洲效力：「佢要去啲踢到波又覺得舒服嘅地方，我哋要幫佢保持狀態同競爭力。」34歲嘅卡雲尼今季多數踢後備，淨係正選上陣九場，外界預計今夏將離隊。