在處境劇《愛．回家》飾演Bonnie的林凱恩，其任職「設計公司老闆及裝修判頭」哥哥林祥晉日前傳出拖欠薪金並失聯，有網民發出尋人啟事。林凱恩昨日在將軍澳出席活動，她表示暫未與哥哥聯絡：「我都有搵佢，不過暫時係未搵到，等我了解吓成件事。佢喺結咗婚之後就搬咗出去，都係大時大節先見面，就算見面都好少講工作，都係傳媒朋友講畀我知先知道。」
問到會否覺得因為是藝人身份被牽連在內，而感到不開心，林凱恩說：「我係擔心多啲，始終做藝人入行多嘢要面對，要更加警惕自己，但係屋企人係好難控制嘅範圍，只可以做好工作，其他嘢係控制唔到。」她還說：「身為一家人，真係有困難嘅話，可以拎出嚟講。」