鍾培生和林作9月打擂台，門票索價最高三萬元，杜汶澤在社交平台暗示睇小丑打交不值，鍾培生回應自己是「慈善企業家打小丑」，又批評阿澤的平台「喱騷」。前晚阿澤與老婆田蕊妮爆粗出post反擊，阿田就鍾培生踩「喱騷」表示感激意見，承認過程中遇上好多困難，但獲益良多，「我哋背後並無一個好勁嘅投資者，但係我哋有一班好X愛香港嘅香港人！登記人數方面恐怕要令鍾先生你失望！你畀少咗我哋！」最後更預祝「林鍾一戰」門票大賣、唔會輸。
有網民提議阿澤與鍾培生打一場，阿澤拒絕：「我係爛仔嚟，唔識打拳賽，淨係識打交！」鍾培生以粗口「回敬」，寸爆阿澤做老闆首先要學識準時出糧。