地盤「睇場」明哥直言，收回佣在行內十分普遍，更向記者解釋收回佣又稱「食人頭」，通常公司會開出工人數目、價錢及工程期，「睇場」自行找人但要確保準時起貨。「你話請10個（日薪）1,200（元），我咪自己搵人，或者搵3個1,200元，7個1,000元。」他便賺了中間差價，更自豪說「我有咁嘅能力幫你搵到，咁我咪食囉！」
自言最多試過一個月收70,000元回佣的明哥，指「回佣」並無公價，通常100至600元，視乎工程爛尾機會率。若工程要聘10個大工（註冊熟練工人），但只找來一半大工，一半白紙（無經驗工人）便屬高風險爛尾，因白紙太多未必能如期完工，他會向白紙收600元，大工收100元回佣。
另一個風險是若公司未能準時出糧，便要自己墊支給工友，皆因「睇場」要講商譽，「糧準的話，啲人冇嘢做就會主動搵你」。他指，他找人時已事先講明收回佣及傾好價錢，不會有爭拗，而且多數請熟人，以銀行過戶方式收錢，從未擔心會因此留下罪證，即使被發現會以「還錢」作辯解。