組合ERROR四位成員梁業(肥仔)、郭嘉駿(193)、何啟華(阿Dee)及吳保錡,主持的ViuTV另類選美節目《最後一屆口罩小姐選舉》前晚播出第二集,四位成員都已各自挑選五位參賽者組隊,選出20強,20強將再進行比賽選出8強進入決賽。疑似「籃球女神」方泳琳的94號前晚尾聲險出局,幸好最後冧掂阿Dee成功入圍。
94號參賽者跟96及97號是最後出場表演才藝,當時20個入圍名額已滿,只餘下阿Dee手上的一張換人牌,三人要贏取阿Dee歡心才能有機出線。94及96號不約而同表演魔術,97號則表演跳芭蕾舞,全無驚喜,最後三人要各自說服阿Dee揀自己入圍。報稱是藝人的94號表示因未演出過真人騷或者綜藝節目,想突破自己,阿Dee再追問:「我點解要揀你?」94號即答:「因為我真係好靚。」193和肥仔也直指她似方泳琳,最終阿Dee使出換人牌,換走原已入圍的26號肥妹仔讓94號入20強。
另一大熱被指貌似吳若希的27號參賽者,報稱是飛機工程師,ERROR各人好奇問為何有如此高薪厚職仍來參賽,她表明想做藝人,保錡即自揭黑歷史勸說:「如果有你飛機工程師同ViuTV藝人呢……想當年我玩《全民造星》玩到負資產,我啱啱先還完啲卡數,仲有嗰啲grant loan(專上學生資助計劃貸款)都未還晒。」最後27號成功加入保錡組。而88號出場時,保錡就力sell肥仔:「你(指88號)係肥仔鍾意嗰type,我知佢鍾意乜。」肥仔聞言稱亦知保錡喜好,他即自嘲:「全香港人都知。」
此外,56號及92號不約而同穿上運動bra top表演花式跳繩及呼拉圈,性感養眼,兩人同時加入阿Dee組。昨晚播出的一集ERROR帶眾人去露營,參賽者又要大玩校服誘惑,其中「孖四」44號在今晚一集提到病危母親忽然爆喊,成功搶鏡。