47人案入面,唔少市民會做旁聽師或送車師為民主派打氣,原來有市民仲諗到其他方式為佢哋打氣。還押赤柱嘅民主黨前議員林卓廷嘅facebook專頁小編發文,話阿廷每感失意之時,就會望向赤柱南部斜炮頂,仲話日前阿廷做運動期間,遠望山邊見到有同路人揮舞旗幟,「令佢覺得好鼓舞」。管理員仲話,阿廷話當時佢有揮手回應,同埋希望可以有日喺自由之日同嗰班朋友相見。
除咗阿廷,民主黨前主席胡志偉獄中來信,感嘆中共閹割香港選舉之後,香港民主路一夜倒退,最悲涼係未來只剩下忠誠的廢物治港。
胡志偉佢又話牆內時間充裕,希望大家可提供書單,等佢哋為香港未來喺層層限制下,思考出路,相信會對佢哋經歷嘅旅程有重要反思、反省作用。
李八方