早排人大一通過閹割香港選舉制度，建制派即刻成立「撐全國人大決定完善選舉制度」連線，發起簽名行動撐北京，噚日立即公佈11日拎到約121萬個線上同117萬個線下簽名、合共238萬個簽名支持人大決定。
連線召集人、全國人大常委譚耀宗話係顯示普遍市民支持人大決定，但有網民笑言，當日建制派嘅「香港各界撐國安立法聯合陣線」搞支持訂立香港國安法簽名，聲稱10日收集到300萬個簽名，今次竟然少過上次70萬，仲要有近一半係網上簽，即係一個人簽10,000次都得，而實體簽名數目得117萬，又係少過上次撐國安法嘅逾180萬 ，譚耀宗仲好意思話有普遍市民支持？點同北京交代先？建制咁辦事不力，唔怪得田飛龍話踢走「忠誠廢物」建制咁驚。
李八方