游學修昨日在油麻地出席微電影比賽頒獎禮，其YouTube頻道「試當真」最近借場地拍節目，惹來店主投訴，他漏夜致歉，游學修說：「我懷疑搬入呢個地方前冇拜四角，入伙三個月都有啲小紛爭。呢啲小甩漏真係經驗不足，以後會吸取經驗。」游學修極速拆彈獲網民讚反應比高官快，他說：「做錯咗仲讚？真係錯咗，唔畀場租確實係有違正確做法。」
同場的梁榮忠有份主持港台節目《周末8點半》，有指新廣播處長李百全要審批節目，他表示暫時未遇到這情況：「呢個係好敏感嘅課題，但暫時我嘅節目冇發生過。」提到游學修與蕭若元日前引起的「香港電影已死」討論，梁榮忠表示：「唔好只睇香港，全世界電影都遇到問題。」