鍾培生和林作的「百萬林鍾一戰」將於今年9月舉行，最近鍾培生高姿態表明，比賽已經變成一個騷，計劃5、6月開售門票，屆時會邀請人氣YouTuber、藝人對戰，及當紅樂隊表演，林作舊愛麥明詩亦榜上有名，獲邀請做嘉賓。
《蘋果》昨日向鍾培生了解，他表示是商業機密，但承認有邀請麥明詩參與，原因當然因為有話題性，他說：「都係TBC（to be confirmed），我係有同佢傾過，我感覺佢自己就有意願嘅，但detail就要問佢經理人。」酬勞方面？他笑說：「咁梗係唔會畀番七位數佢啦，儍咗咩，六位數就要嘅。」麥明詩則以短訊回覆：「唔清楚，有乜嘢佢同我經理人傾啦。」