鍾培生首齣投資的電影《#PTGF出租女友》昨日在蘭桂坊開鏡，演員有鄧月平、張沛樂（沙律）、郭奕芯、趙善恆及張建聲等。問到會否客串演出？鍾培生笑說：「如果好似《喜劇之王》講三句對白都可以，但我鍾意睇多過演。」談到跟林作的拳賽，鍾培生透露：「𠵱家一星期練六日，喺7月前只會飲四次酒，𠵱家已用咗兩個quota，噚日爸爸生日都冇飲。」會否禁慾？他認真思考說：「禁慾真係好難，打之前兩、三個星期都會禁慾。」
沙律對於男友ERROR成員吳保錡因「偷食」暫別娛樂圈，她說：「支持佢休息，今年香港人好難捱，充滿負能量，希望大家少啲爭執。」此外，林作拜師拳王向柏榮操練備戰，前日他在社交網上載與15歲少年對打，結果他被少年連環攻擊，自嘲：「打唔贏，俾人恰。」