據法國傳媒周三報道，剛喺法足盃以3:0贏里爾晉級嘅巴黎聖日耳門（PSG、藍衫），旗下嘅青訓學院爆發武漢肺炎確診個案，要緊急關閉學院。據美聯社消息指，PSG最近喺訓練中心展開新一輪病毒測試後，發現幾宗新嘅確診個案，PSG指青訓學院會關閉到下周一，當作預防措施，將喺周五進行另一輪病毒檢測，以監察病毒有冇傳播迹象。另外，PSG女子隊亦爆發集體感染個案，球會最近收到幾宗新嘅陽性報告，所以佢哋冇去到捷克出戰對布拉格斯巴達女子隊嘅歐聯次回合賽事。由於PSG女子隊首回合大勝布拉格斯巴達女子隊5:0，即使佢哋未能出席次回合而判輸0:3，PSG女子隊2回合計亦贏5:3晉級。