數據網站transfermarkt近日發佈一項數據，謝拉特領軍嘅蘇超班霸格拉斯哥流浪贏得55次聯賽冠軍，次數冠絕全球，而排第9嘅係曾奪41次港甲冠軍嘅南華。1904年創會嘅南華，1924年首奪港甲冠軍，其後成為最成功嘅香港球會，贏過41次聯賽冠軍，傳統上最重要嘅本地盃賽高級組銀牌，南華都贏過31次。不過，南華近年成績一般，港超時代起未贏過聯賽冠軍，對上一次聯賽封王係12/13球季（圖），自2014年銀牌後再未贏過重要錦標，2017年更選擇自降甲組。足總啱啱公佈港甲復賽賽程，南華喺本月28日復賽首仗對手係永義地產，賽事會喺跑馬地遊樂場1號場晏晝1時30分踢。