市民無懼打科興「身在福中不知福」

市民無懼打科興「身在福中不知福」

【本報訊】疫苗接種計劃展開至今,已累計七宗接種科興後死亡的個案。昨晨在九龍灣體育館疫苗接種中心,仍有市民大無畏繼續接種國產科興疫苗,有人直言不會縮沙,反認為「打咗覺得安心啲」。

約半個月前已預約注射科興疫苗的連先生表示,未有因最近的事故卻步或轉打其他疫苗,認為只是「小部份先有事故啫」、「打咗覺得安心啲」。他透露,家人較早前已接種同款疫苗,未見有不良反應,之前的事故可能是接種者不了解身體狀況,「可能佢哋本身唔知道有心臟病、糖尿病,打咗咪有不良反應囉」。

長者:有乜事唔輪到我驚

有長者未有考慮改接種其他疫苗,「我哋梗係打返大陸嗰隻,大陸十幾億人,有乜事都唔輪到我驚」。她更指港人身在福中不知福,「你睇吓人哋英國嗰度,冇得你(揀)㗎,去到有咩針你就打,你再唔打就遲啲冇得打」。

有中年女士表示,接種後未有特別感覺,更指抱着「是但啦、咩都好」的心態接種科興疫苗,亦以平常心對待最近發生的不良反應事故。

另外,受西營盤URSUS Fitness健身群組影響,中西區繼續有大廈列為強檢大廈,當局在李陞街遊樂場設立流動採樣站,昨晨約30名市民排隊等候檢測。保安員吳先生稱其工作大廈有住客確診,「所以領導叫我哋一定要嚟檢查」,他透露未打算接種疫苗,「因為我血壓高」。