【本報訊】在國泰任職10年機艙服務員（BC）的阿Joy，是去年10月大裁員的倖存者，當時國泰逼簽「魔鬼」合約，調整薪酬水平，底薪及飛行時薪「封頂」。
Joy在新合約下薪酬減至只有約1.1萬元。他指在全新人手分配下，工作量變相增加，有搵笨之嫌。「大家𠵱家心態都係『本啤』，都係覺得『是旦啦』，又要萬二蚊，又要林嘉欣呀？唔好玩啦！」他打算修畢其他學位後便離職。
Joy認為國泰大裁員後已重挫士氣，現時進一步減人手，不少同事意興闌珊，「以前大部份同事幾唔鍾意公司都好，都有團結精神，同你死掂佢，但公司角度就會覺得，你哋個個都can-do spirit（做得到精神），越加咪越多嘢畀你，反正你哋都做到㗎啦！」他對國泰已不抱希望， 「冇㗎，你咪繼續搭國泰囉，但唔好期望佢係一間premier airline（優質航空）囉」。
Joy指機艙事務長（FP）在機艙中擔任重要角色，惟有關工作將後改由其他職級員工分擔，包括低一級的機艙服務員（BC），或會影響服務質素，「有客發『狼戾』，你要有經驗先知點樣處理」。而且機艙經理一般達40至50歲，重拾「搬運行李」等工作，也會增加同事受傷風險。