「百萬林鍾一戰」鐵定在9月舉行，林作和鍾培生一直各自網上表態，早前記者會上，鍾培生一見林作即怒氣沖沖，不斷英語爆粗挑釁，被指EQ低，反而林作嬉皮笑臉博得網民欣賞。鍾培生昨日在連登討論區開post直言：「連登仔逢紅必反，逢反必紅，多謝你哋幫我燈埋林作」，其中一個「林作支持區」留言則有逾1,000正評，鍾培生回覆一個字：「Byeeeeee」！
有網民直問「有冇食陳嘉倩？」他沒有回答，當有人表示撐他：「撐你，但EQ可以高啲」，鍾培生回覆：「男人真係要暴躁」；有人「100萬賭你輸」，鍾培生即覆：「係咪真，唔好呃我喎。」林作有追看鍾培生的帖文，發現其中一位網民問：「鍾生，如果林作贏咗你會有乜反應？會再同佢打多場定點？」鍾培生再開盤口：「如果林作打贏我，我拍片跪佢叫佢契哥，跪埋你哋又點話。」林作留言：「咪走數！」