Goal富帥：皇蘇無後顧勢強陣爆「格」

夾雜住歐洲賽嘅聯賽，往往危機四伏，特別係兵源已經唔多嘅中型班，喺歐洲賽又竟然一路晉級，殺到入淘汰賽階段，以今季密集賽程，真係鐵人都死，所以唔少球隊都會犧牲吓聯賽。下星期日場西甲CF格蘭納達主場對皇家蘇斯達就係好例子，格軍經常歐洲賽後喺聯賽玩大幅度輪換，皇蘇近期回勇，呢個半/一盤可以做重心。

CF格蘭納達上季以神奇球隊姿態拎到西甲第七，有得踢今屆歐霸盃，咁嘅班底要兼顧歐洲賽，就一定要取捨，好彩佢哋季初聯賽都搶夠分，家吓排第10有33分，降班又輪唔到佢哋，更加大條道理放棄下星期日場波。講真格軍喺歐霸盃16強都抽到靚籤，只係對莫迪，不過星期四主場對完，下星期四就要作客挪威，賽程都好甘。睇番格軍上圈首回合，贏完拿玻里後之後聯賽就腳軟，輸埋畀侯爾斯卡2:3，今次主場對皇蘇都唔睇好。

皇蘇都有份踢歐霸盃，不過上圈俾曼聯踢出局，總算完成今季其中一項大賽，聯賽前四一定係另一個目標。皇蘇歐聯出局後2輪聯賽1勝1和，和局係作客皇馬，認真唔簡單，大衛施華、阿歷山大伊沙克等傷兵出返晒嚟，完全唔同級數。睇世界博彩公司平均值，皇蘇客W只得1.63倍，信心好夠，初步會開半/一盤，放心出擊。

伊巴為護級誓破「黃潛」

另一支仲角逐緊歐霸盃嘅西甲球隊，就有維拉利爾。「黃色潛艇」近期聯賽都嚴重走樣，已經八場未贏過，近排更接連輸畀馬德里體育會同華倫西亞，下周日作客伊巴之前，仲要先喺歐霸盃作客基輔戴拿模，真係好辛苦。初盤伊巴受讓平/半，球隊實力就一般，不過護級鬥志搭救，博下盤啦。

文：Goal進

截稿前馬會尚未開盤，盤口僅供參考，讀者記得留意足智彩網頁。