劉丹、董嘉儀（大埔LuLu）及袁學謙昨日在柴灣為保健食品拍廣告，連日來有巿民接種科興疫苗後身體不適或死亡個案，年屆77歲的丹爺亦有關注事件：「本身都諗住打，但知道打嘅前後要有足夠休息，我要工作冇咁嘅時間，最近又有咁多事，問清楚家庭醫生先，相信佢都會支持我。」一向身體不錯的丹爺也因患上痛風而苦不堪言，現今已減少飲酒：「一邊飲酒一邊灌水，飲得咁辛苦何必呢？太太同阿仔都好緊張，我唔敢喺佢哋面前嗌痛，會死頂住。」
丹爺兒子劉愷威早前在農曆新年時回港跟家人過年，現時仍留港休息，暫未北上繼續開工，丹爺指他終於有更多時間可以多陪伴囡囡小糯米，他說：「孫女不知幾開心，好黐爸爸。」