自從有打完科興疫苗嘅人士幾日後忽然死亡或者入ICU，好多原本支持國貨嘅長者都縮沙，臨時唔去打科興，雖然政府專家公開話死亡case絕大部份唔直接關疫苗事，但你有你講，市民有市民唔打科興，特別係當見到前特首曾蔭權、首任終院首席法官李國能都打BioNTech，更加令班長者對科興卻步。
不過有人似乎想提醒啲愛國愛港長者，要打疫苗就要打國貨，有網民上載照片，相信有人喺打BioNTech復必泰注射中心掛橫額，「提醒」愛國愛港藍絲，呢度係打BioNTech，叫佢哋「信阿爺 打科興」，「請移玉步」去科興注射中心打疫苗。
呢張相喺網上瘋傳，深水埗區議員李俊晞喺佢fb貼咗張相，有個阿伯竟然掹爛呢張橫額，有網民話紅衣阿伯件風褸，好似某建制政團制服，又有網民話愛國愛港長者係咪唔信中國唔打科興先？可能犯國安法喎！點對黨忠誠呀！