老懵董一仆，好事自然來。成立「反港獨西醫前線」姓楊那條好漢，被「香港西醫工會改革同盟」以32票之差，成功踢走。霸住十八年的風水位劇轉，又會咁啱嘅，肯定係老懵董腳頭好。適逢兩會才一仆，這個腳軟蝴蝶效應，相信還有下文。篤信預言的話，會將地母經那句「人民留一半」挖出來對號入座。人民大會堂蒙住口鼻不斷拍掌抄碌屎的代表，留一半，好嗎？一半都夠腳開到N咁多枱麻雀，所以冇差啦。內循環之下，百年共產黨都要咳人，完善選舉制度冇違憲㗎嘛（千祈別問係乜芡，主廚是習習，落鑊那個，是賤民匪撚翠）。
打招呼，先嚟仆？老董是科興接種優先群組，無論點仆都屬「絕對與疫苗無關」，冇得賠。這樣當眾一仆，其他應召上深圳打另一隻國藥疫苗的代表，無疑是打了兩劑強心針，證明忠誠的廢物，都有順逆差的待遇。科興仆直，國藥好瞓，一直在預約愛黨名單上排隊的政商才俊，戙高床板諗吓，「完善」選舉制度之後，閣下還有碇企？幾時會追隨老董，一跣再跣，安心出醜？完。