藝術家王天仁則沒那麼樂觀。他與設計師朋友於2017年在大南街開設cafe兼展覽場地「openground」，再租下鄰近舖位取名「合舍」，用作舉行展覽及出租五金工具，當沒有展覽時便賣書，他並非「濟世為懷」，或「用藝術打救深水埗」，只是不想「同深水埗本身陣『除』差太遠」。
openground算是大南街的先驅文創店，開業五年，見證了街道由衰轉盛，去年中人流更攀上高峯，當時openground與合舍先後舉行與反送中運動相關的藝術展覽，每日吸引近千人參觀，人龍幾乎圍繞大南街一圈。奈何去年「cafe都開咗廿間以上，多咗啲以後生仔為對象嘅舖頭，嗰個狀況的確惹來咗一啲財團或者炒商舖嘅人」，有地產經紀看見街上人流漸多，常到此拍片介紹炒舖致富之道，有人來游說搬舖，亦有人游說把品牌出售。
天仁透露，合舍位處的大廈及與之相連的大廈業主已決定放盤，舖頭如今租金30,000多元，租約即將屆滿，他知道附近有面積相若的cafe，租金索價70,000，估計一旦樓宇轉售，難以維持原有租金，很可能會搬離或者結業。為了分擔舖租，他去年無奈決定把店內廚房位置分租予蛋糕店，「但當我知道我partner賣緊80蚊嘅包，或者超過100蚊嘅餐，一個包加杯嘢飲，我多少都會覺得有違我當初開呢度嘅感覺」。
天仁說，合舍樓上大廈有很多劏房戶，他見證一個男孩由小學升上中學，但他從未進入店內參觀，「佢好多時經過，我都冇辦法同佢打開話題，因為我望住佢有啲慚愧，好似咁耐以嚟，我舖頭發生嘅嘢，都冇嘢吸引到佢，呢個同我當初諗嘅感覺有啲唔同」。
不過他強調「士紳化」從來不是單靠民間能造成，「一定牽涉幾個大parties，政府同埋地產商，唔好聽係官商勾結，好聽係舊區活化，都係政府諗咗啲項目，地產商早收到風，就喺附近重建，令舊區形象更新，我哋只係咁啱喺個時間點出現」。
天仁從地產經紀中聽聞，多年前已有地產商在區內斥資收購舊樓，加上強迫門檻降低，文青舖進駐前，牙簽樓已拔地而起，另旅發局近年推銷深水埗作為旅遊景點，設計及時裝基地兩年後落成，令區內炒舖人士蠢蠢欲動。回顧過去廿年，無論是火炭、觀塘、上環太平山街，到今日深水埗，創意人如遊牧民族，做旺了一個地區就被逼走，故事不斷重複。「如果我哋當自己係雞蛋，地產商係高牆，我哋雞蛋係咪應該聚埋一齊諗下計，唔好畀件事再發生，大家心入面有默契，唔開（舖）得咁近，成個深水埗咁大」。