新世界（017）行政總裁鄭志剛（Adrian）視尖沙嘴K11 MUSEA為他的Baby，故此商場爆疫，新世界幾乎是總動員去「拆彈」。事件接近落幕階段，華華聽聞鄭志剛向商場相關員工發咗封電郵，宣佈每人派3,800蚊。
華華聽聞，今次有接近1,000人收到呢筆獎金，加埋使咗380萬元。Adrian亦向相關同事寫咗封信，提到過去一星期過得不輕鬆，讚佢哋「不眠不休」，全館所有範圍不停進行徹底清潔及消毒，K11 MUSEA同事和租戶員工要進行兩次檢測等等，上星期六K11 MUSEA重新開館，加埋Shopping優惠券都幾旺場嘅。
K11 MUSEA發言人同華華確認，有關特別津貼電郵係由集團發出。不過，件事會否圓滿結束，就要視乎日後防疫措施會否100%落實喇。
李華華