開電視藝員才能多，嚴崇天訪問當日即興做司儀，阿正和妹頭各自帶領隊員分成紅、白兩組，回答有關公司的問題。莉莉菇自認有溫書竟將開台年份答錯，而答台徽「紅白黑」的Lisa就自認色弱，最後要兩組齊心協力才能找出答案。
各人提到最高薪藝人，大家推舉阿正，笑指對方時薪最高，最新加入、被連登仔追捧做女神的莉莉菇，被視為最低薪，她正職做生活科技資訊網記者：「好啦，我承認我係！」她表示跟開電視好有緣：「我未嚟呢度做之前，有一半人都嚟過我屋企，Omi係我小學同學，連佳麗就係我大學同學，Paula就係我媽咪鍾慧冰嘅同學。」37歲的Paula與67歲的冰姐年紀相差一大截，莉莉菇即補鑊：「係媽咪嘅同事，我媽咪成日都話有線係好溫暖嘅家庭。」